Муждаи Наврӯз ба Бадахшон расид

   Хоруғ, 20.02.2014. (АМИТ «Ховар», Файз Мирасан).-Дар   шаҳри Хоруғ омодагиҳо  ба ҷашни  Наврӯз оғоз гардиданд.   
       Мудири шуъбаи фарҳанги вилоят Муҳиддин Пайшанбиев гуфт, ки дар  ҷашни Наврӯзи имсола  тамошобинон  шоҳиди барномаи ҷаззобу рангин бо номи «Баҳори Бадахшон» мегарданд.     Барномаҳои фарҳангии наврӯзиро, ки меҳвари онҳоро расму суннатҳои қадимии мардум ташкил медиҳанд, коргардони маъруф Маҳингул Назаршоева таҳия менамояд.
       Бо ҷаҳонӣ шудани   Наврӯз  ин ҷашни бостонӣ  сол ба сол  дар кишвари мо бо  рангҳои  нав ба нав  ҷилва мекунад  ва имсол  дар шаҳру навоҳии вилоят  бо шукӯҳи бештаре  таҷлил мешавад.