Нашри «Анъанаю идомат дар фарҳанги тоҷик»
Душанбе, 22.02.2014.(АМИТ «Ховар», Марзия Саидзода).-«Анъанаю идомат дар фарҳанги тоҷик», таҳти чунин унвон нашриёти «Контраст»-и Душанбе маҷмӯаеро ба тозагӣ аз чоп баровард, ки мураттибони он донишмандони тоҷик Аскаралӣ Раҷабов ва Муҳаммадраҳим Каримзода мебошанд. Китоби мазкур ба ифтихори 21-умин солгарди Анҷумани байналмилалии тоҷикон ва форсизабонони ҷаҳон бо забонҳои русию англисӣ мунташир гардидааст.
Мураттибон сайъ намудаанд, ки дар китоб беҳтарин мақолаҳои олимону донишмандони барҷастаро, ки марбут ба ҳамоҳангии анъаноти гузашта ва муосири мардуми тоҷик аст, гирдоварӣ намоянд. Дар маҷмӯа мақолаҳо доир ба проблемаҳои асосии таърих ва назарияи меъморӣ, санъати тасвирӣ, мусиқӣ ва дигар жанрҳои эҷодиёти бадеӣ мунташир гардидаанд.
Ҳамзахон Камолов, доктори илмҳои таърих ва донишманд Солия Мамадҷонова мунаққидони маҷмӯа мебошанд. Китоб бо ибтикори Академияи илмҳои Ҷумҳурии Тоҷикистон, Китобхонаи миллии кишвар, Пажӯҳишгоҳи забон, адабиёт, шарқшиносӣ ва мероси хатии ба номи Рӯдакӣ ва Маркази байналмилалии мусиқӣ ва фарҳанги мардумони Шарқ «Борбад» нашр гардидааст.
Маҷмӯа барои доираи васеи хонадагон, хусусан ба мутахассисоне, ки дар самти намудҳои анъанавии санъати тоҷикон пажӯҳиш мебаранд, тавсия шудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






