Неруи содиротии Тоҷикистон афзун мегардад

Душанбе, 28.02.2014. (АМИТ «Ховар», Кристина  Эрлих).-  Дар  ҳошияи татбиқи  лоиҳаҳои  муштарак 27  феврал  дар  шаҳри  Душанбе  мулоқоти  муовини вазири  рушди  иқтисод  ва савдои Ҷумҳурии  Тоҷикистон  Саидраҳмон  Назриев  бо  роҳбари  Намояндагии          Агентии JICA (Ҷика)  дар Ҷумҳурии  Тоҷикистон  Казуя  Суэта  баргузор  гардид. 
 
Тавре  ки  аз   хадамоти  матбуоти  Вазорати   рушди  иқтисод  ва  савдои  ҶТ  ба  АМИТ «Ховар»  хабар  доданд,  мавзӯҳои  асосии  мулоқот  иборат  аз  рушди   ҳамкории   мутақобилан   муфиди   байни Агентӣ ва   Вазорати  рушди  иқтисод  ва  савдо,  ҷалби  теъдоди  зиёди  мутахассисони  ҷавон  ба   курсҳои  таҳсилотии  Агентии JICA (Ҷика)  ва  татбиқи  лоиҳаҳои нави   таълимӣ буданд.
 
Мусоҳибон  ҳамчунин   перомуни  роҳандозии  як  қатор   чорабиниҳо  баъди  воридшавии  Ҷумҳурии  Тоҷикистон  ба Созмони  умумиҷаҳонии  савдо  ва   рушди  ҳамкорӣ  бо   созмонҳои байналмилалӣ, афзун  намудани  неруи  содиротии  кишвар  хусусан  дар  бахши  кишоварзӣ ва  соҳаҳои  коркарди  маҳсулот  табодули  афкор  намуданд.