Нобиноро кӣ ба талбандагӣ маҷбур кард ?
Душанбе, 06. 02.2014. (АМИТ «Ховар», Лутфия Эшонқулова).- Аз ҷониби кормандони Раёсати мубориза бар зидди ҷиноятҳои муташаккили Вазорати корҳои дохилии ҶТ сокини кӯчаи Глинкои пойтахт, Қурбонгул Шарифоваи 38-сола ҳамчун гумонбар дар ҷалби одамон барои истисмор дастгир гардид.Тавре ки сомонаи расмии ВКД хабар медиҳад, Қурбонгул Шарифова аз соли 2002 то моҳи декабри соли 2013 бо мақсади истифода бурдан дар меҳнати маҷбурӣ шаҳрванд Мирзомурод Гулови 40 -сола, маъюби гурӯҳи 1-умро ҳамчун иҷоранишин дар хонааш ҷой дода, сипас аз ӯ шиноснома ва дафтарчаи нафақахӯриашро гирифта, ӯро ба талбандагӣ маҷбур намудааст.Қ. Шарифова аз нобино будани М. Гулов истифода намуда, ҳар рӯз ӯро ба ҷойҳои серодами шаҳр оварда мегузошт, то ба талбандагӣ машғул шавад. То имрӯз зиёда аз 163 ҳазор сомониро маҷбуран аз ӯ гирифта, ваъда додааст, ки ин маблағҳоро ҷамъ намуда, ба ӯ хонаи истиқоматӣ харида медиҳад, аммо маблағҳоро барои эҳтиёҷоти худ сарф кардааст. Дар айни ҳол М. Гулов дар беморхона табобат гирифта истодааст. Оид ба ин ҳодиса парвандаи ҷиноӣ оғоз гардида, корҳои тафтишотӣ идома доранд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






