Оғози шанбегиҳои наврўзӣ

Душанбе, 27.02.2014. (АМИТ «Ховар», Зарангези Латиф).- Бо мақсади дар сатҳи олӣ пешвоз гирифтани ҷашни байналмиллалии Наврӯз  Вазорати кишоварзии Ҷумҳурии Тоҷикистон  бо иштироки васеи кормандони вазорат  корҳои ободонию кабудизоркуниро  анҷом медиҳад.  
Тавре  ки аз дафтари матбуоти вазорат хабар доданд, Кумитаи иттифоқи касабаи Вазорати кишоварзӣ тасмим гирифтааст, ки 1 марти соли ҷорӣ баҳри тозаю озода нигоҳ доштани атрофи бинои вазорат шанбегӣ доир намояд. Тибқи маълумотҳои пешакӣ дар ин шанбегӣ беш аз 60 нафар корманди вазорат дар тозаю озода намудани утоқҳои корӣ, кабудизоркунии атрофи бинои вазорат  иштирок менамояд.
Гуфта мешавад, ки чунин шанбегиҳо  бахшида ба ҷашни Наврӯз дар зерсохторҳои вазорат низ доир мешаванд.