Омодагии Маскав ба ҷашни «Наврӯз-2014»

Февраль 13, 2014 11:06

Душанбе, 13.02.2014. (АМИТ «Ховар», Лайло Тоирӣ).- 22 марти соли равон дар шаҳри Маскави Федератсияи Русия  Иди Наврӯз-2014, ки аз ҷониби ҳукумати Маскав маблағгузорӣ мегардад, ҷашн гирифта мешавад. Он дар Лужники, дар  толори консертии «Россия» баргузор хоҳад гашт. «Дар он намояндагони ҳамаи ҳалқият ва миллатҳои Русия, ки Наврӯзро ҳамчун иди миллии худ мешуморанд, иштирок хоҳанд кард»,- гуфт намояндаи расмии Сафорати Ҷумҳурии Тоҷикистон дар Федератсияи Русия Муҳаммад Эгамзод. 
Ба қавли сарчашма, ҳамаи иштирокчиён дар ин рӯз барномаи консертӣ нишон дода, дар ҷойҳои махсус ҷудошуда  маҳсулоти косибон ва намунаҳои санъати амалӣ, аз ҷумла таомҳои миллиашонро ба маърази тамошо хоҳанд гузошт.  
Чун ҳарвақта Тоҷикистон ният дорад дар баргузории ин ҷашн  саҳми худро гузорад.  Сафири ҶТ дар ФР Абдулмаҷид Достиев дипломатҳоро вазифадор кард, ки тамоми қувваро  барои муарифии сазовори Тоҷикистон равона созанд. Барои ин ҳамаи кормандони намояндагии вазорату идораҳои Тоҷикистон дар ФР,  фаъолони ҷамъиятҳо ва донишҷӯён  ҷалб хоҳанд гашт.  Дар айни ҳол масъалаи даъвати ҳунармандон аз Тоҷикистон баррасӣ мегардад. Ҳунармандон дар ин ҷашн бояд фарҳанги миллии моро ба меҳмонон намоиш диҳанд,- хабар дод М.Эгамзод. 
«Сафорати ҶТ дар ФР корҳои назаррасро дар ин самт бурда истодааст ва умед дорад, ки бо дастгирии сохторҳои давлатии Тоҷикистон, аз ҷумла Вазорати фарҳанги ҶТ ва ВАО-и ватанӣ, имсол  Тоҷикистон дар Иди умумишаҳрии Маскав «Наврӯз-2014»  ба таври сазовор муаррифӣ мегардад»,- изҳори умед кард  дипломати тоҷик. 
Ҷашни ҳамасолаи Наврӯз дар Русия  метавонад имкони хубе барои эҷоди имиҷи мусбат  ва тарғиби анъанаву фарҳанг ва расму русуми  миллии халқӣ тоҷик гардад. Мо бояд ин имкониятро аз даст надода, онро самаранок ва мақсаднок истифода намоем»,-гуфт М.Эгамзод. 

Февраль 13, 2014 11:06

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд