Пешгирии гардиши ғайриқонунии маводи мухаддир
Душанбе, 17 . 02. 2014. (АМИТ «Ховар», Муқаддас Темурзода).-Аз ҷониби кормандони милитсия дар вилояти Суғд зимни гузаронидани чораҳои фаврӣ-ҷустуҷӯӣ шаҳрванд Абдуманнон Исмоилов, соли таваллудаш 1971, сокини шаҳри Хуҷанд бо гумони даст доштан дар гардиши ғайриқонунии маводи нашъадор дастгир карда шуд, ки ҳангоми кофтукови шахсӣ аз ӯ дар дохили як бастаи селофанӣ ба миқдори 1 килою 458 грамм маводи нашъадори ҳашиш ва 6,5 грамм маводи сахттаъсири героин дарёфт ва мусодира шуд.
Ба иттилои сомонаи расмии Вазорати корҳои дохилии ҶТ ҳамчунин зимни як амалиёти дигари фаврӣ сокини ноҳияи Расулов, Ҷаҳонгир Розиқов, соли таваллудаш 1988 бо гумони муомилоти ғайриқонунии маводи нашъадор дастгир шуд. Ҳангоми кофтукови шахсӣ аз ӯ 242 грамм маводи нашъадори ҳашиш мусодира гардид.
Аз рӯи ҳодисаҳои мазкур парвандаи ҷиноӣ оғоз гардида, корҳои тафтишотӣ идома доранд.
Бинобар иттилои ВКД, соли сипаригардида аз ҷониби кормандони сохторҳои қудратӣ ва ҳифзи ҳуқуқ дар маҷмӯъ, 6 тоннаву 686 кг маводи мухаддир мусодира гардид, ки аз ин шумора 3 тоннаву 16 кг маводи мухаддирро кормандони Вазорати корҳои дохилӣ мусодира ва ошкор намуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






