Пешгирии сӯйистеъмоли маводи нашъаовар
Душанбе, 28.02.2014.(АМИТ «Ховар», Зарангези Латиф).- Аз 26 -уми феврали соли ҷорӣ қарори навбатии раиси вилояти Суғд «Дар бораи тасдиқ намудани ҳайати Шӯрои вилоятии ҳамоҳангсозӣ оид ба пешгирии сӯиистеъмоли маводи нашъаовар» ба тасвиб расид.
Мақсади асосии қарори мазкур коҳиши паҳншавии муомилоти ғайриқонунии маводи мухаддир ва истеъмоли ғайритиббии онҳо мебошад. Тибқи ин қарор Раёсати Агентии назорати маводи нашъаовари назди Президенти Ҷумҳурии Тоҷикистон дар вилояти Суғд вазифадор мешавад, ки ҳамоҳангсозӣ ва дастгирии техникии фаъолияти Шӯрои ҳамоҳангсозӣ оид ба пешгирии сӯйистеъмоли маводи нашъаовар ва татбиқи «Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013 — 2020»-ро, ки бо Фармони Президенти Ҷумҳурии Тоҷикистон аз 13 феврали соли 2013 тасдиқ шудааст, таъмин намояд.
Дар ин бора аз хадамоти матбуоти раиси вилояти Суғд иттилоъ доданд.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
