Пешниҳоди раиси шаҳр ба Лора Так

Февраль 11, 2014 09:53

 
Душанбе, 11.02.2014.(АМИТ “Ховар”, Марзия Саидова).-Татбиқи лоиҳаи обтаъминкунии пойтахт, ки 16 миллион $-аш гранти бебозгашти Бонки ҷаҳонӣ ва 3 миллион $ аз ҷониби шаҳрдории Душанбе маблағгузорӣ мегардад, дар мулоқоти раиси шаҳри Душанбе Маҳмадсаид Убайдуллоев ва ноиби Президенти Бонки ҷаҳонӣ оид ба кишварҳои Осиё ва Аврупо Лора Так дар Душанбе баррасӣ гардид.
             Раиси шаҳр  таваҷҷуҳи Лора Такро ба масоили дарёфти манбаъҳои иловагӣ ҷиҳати насби ҳисобкунакҳои обӣ ба муштариёни  КВД «Обу корези Душанбе», ки беш аз 181 000-ро ташкил медиҳанд, инчунин таҷдиди низоми иншооти тасниф ва хатҳои корезӣ нигаронид. Мавсуф  пешниҳод намуд, ки баҳри таъмини шаффофияти ҷараёни татбиқи лоиҳаи мазкур аз тобеияти КВД «Обу корези Душанбе» баровардани шуъбаи ҳамоҳангсозии Лоиҳаи дуюми обтаъминкунии шаҳри Душанбе мувофиқ ба мақсад мебошад.
              Дар ҷараёни мулоқот ҳамзамон мусоҳибон масоили марбут ба тавсеаи ҳамкориҳои минбаъда, хусусан ҷалби сармоя дар бахши  ҳамкориҳои боэътимоди сохторҳои давлатию хусусӣ, рушди соҳаи нақлиёт,  беҳбуди муҳити зист ва соири масоили мавриди таваҷҷуҳи тарафайнро матраҳ сохтанд. 

Февраль 11, 2014 09:53

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд