Рейди муштарак ва ошкорсозии ҳолатҳои қонуншиканӣ

Душанбе, 28.02.2014. (АМИТ “Ховар”).- Чанде пеш  дар ноҳияи Фирдавсии шаҳри Душанбе бо иштироки мутахассисони Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон, Вазорати корҳои дохилӣ, Вазорати фарҳанг ва КВД «Тоҷиккино» рейди муштарак  гузаронида шуд. 
Ба иттилои сухангӯи кумитаи оид ба корҳои дин, танзими анъана ва ҷашну маросимҳои миллӣ Афшини Муқим ҳангоми азназаргузаронии нуқтаи фитафурӯшии мутааллиқ ба студияи “Нур”, воқеъ дар бозори “Корвон”-и ноҳияи Фирдавсии пойтахт ҷамъан 1342 фиттаи дорои муҳтавои динӣ  бо забонҳои арабӣ, русӣ,  тоҷикӣ ва ӯзбекӣ  пайдо  шуд, ки он бидуни гузаронидан аз ташхиси давлатии диншиносӣ ба фурӯш бароварда шудааст. 
Ба иловаи манбаъ 1342 фитта аз ҷониби студияи “Нур” бар хилофи талаботи бандҳои 3 ва 4-и моддаи 22-и Қонуни Ҷумҳурии Тоҷикистон «Дар бораи озодии виҷдон ва иттиҳодияҳои динӣ» истеҳсол ва ба фурӯш бароварда шудааст. Оид ба ин ҳолат санади ҳуқуқвайронкунии маъмурӣ тартиб дода шуда, 1342 адад фитта аз фурӯш гирифта шуд.