Ричард Ҳоугленд: “Амрико нисбат ба “САSА- 1000” некбин аст”

Душанбе, 24.02.2014. (АМИТ “Ховар”).- Дар мулоқоти Президенти Ҷумҳурии Тоҷикистон Эмомалӣ Раҳмон ва муовини якуми ёвари котиби давлатии Иёлоти Муттаҳидаи Амрико доир ба Осиёи Ҷанубӣ ва Марказӣ Ричард Ҳоугленд, ки имрӯз баргузор гардид, як силсила мавзуоти марбут ба равобити миёни Тоҷикистону Амрико мавриди баррасӣ қарор дода шуд. Ричард Ҳоугленд пас аз мулоқот бо Сарвари давлат Эмомалӣ Раҳмон ба хабарнигорон иттилоъ дод, ки дар ин дидор ҷонибҳо дар баробари муҳокимаи ҳамкориҳои гуногунҷанбаи ду кишвар, инчунин як зумра масоили минтақавиро низ баррасӣ карданд. Номбурда афзуд: ”Мо масоили амнияти минтақавиро муҳокима намуда, доир ба вазъи кунунӣ ва дурнамои Афғонистон табодули назар кардем”. “Амрико ба татбиқи лоиҳаи “САSА-1000” назари нек дорад ва умедворем, ки ин лоиҳа ба манфиати кишварҳои минтақа амалӣ хоҳад шуд”,-иброз намуд Ричард Ҳоугленд.