Саҳми ВКД дар фазои экологии кишвар

Душанбе, 24.02.2014. (АМИТ «Ховар», Муқаддас Темурзода).- Бо мақсади зебою сарсабз гардонидани муҳити зист ва мусоидат ба фазои экологии кишвар ҳамасола дар остонаи фасли баҳор кормандони касбу кори гуногун ба ниҳолшинонию кабудизоркунӣ машғул мешаванд. Аз маркази матбуоти Вазорати корҳои дохилии Ҷумҳурии Тоҷикистон (ВКД) ба хабарнигори АМИТ «Ховар» иттилоъ доданд, ки чунин иқдом дар байни ҳайати шахсии Вазорати корҳои дохилии Ҷумҳурии Тоҷикистон низ ба роҳ монда шуда, бо ташаббуси вазири корҳои дохилии Ҷумҳурии Тоҷикистон Рамазон Раҳимов дар заминҳои ҳудуди қисми низомии 3502 ва талу пуштаҳои атрофи он бо ҳамроҳии роҳбарони раёсату шуъбаҳои ВКД ва масъулини қисми низомии 3502 зиёда аз 4 ҳазор ниҳоли ҳамешасабзи ороишии арчаю сўзанбарг шинонида шуд. 
Тибқи иттилоъ чунин маъракаҳо аз ҷониби кормандони милитсия идома дода мешаванд.