Сабқати вилоятии теннисбозон дар Хоруғ

Хоруғ, 3.02.2014. («АМИТ «Ховар», Файз Мирасан).- Дар давоми  ду рӯз  дар толори  мактаби  рақами 7-уми  шаҳри Хоруғ  мусобиқаи   вилоятии дастаҳои  тенниси рӯимизии  ҳамаи  ноҳияҳои  ВМКБ баргузор гардид. 
Ба гуфтаи роҳандозони  сабқати вилоят  баъди сукути 20-сола  бори  нахуст аст, ки  бо дастгирии  мақомоти маҳаллии ҳокимияти давлатии   вилоят, Раёсати ҷавонон, варзиш ва сайёҳӣ,  Федератсияи  тениси рӯимизии вилоят  ба онҳо муяссар гашт , ки  чунин мусобиқаи бошукӯҳро ташкил намоянд. Дар сабқат намояндагони мақомоти маҳаллии давлатӣ ва варзишгарон аз хизматҳои яке аз нахустин мураббиёни ин намуд, Аълочии маориф,  Корманди шоистаи    ҷумҳурӣ  Мамадҷон Давлатҷонов ёдоварӣ намуданд.
        Барномаи  «Ҷонибдории инкишофи иҷтимои манотиқи кӯҳистон» ба теннисбозони наврас  ду адад  миз  ва дигар таҷҳизоти  варзиширо бо маблағи умумии  6 ҳазор сомонӣ  супурд. 
Мусобиқа  ду рӯз давом карда, ғолибон бо  медалу ифтихорномаҳо ва мукофотҳои пулӣ  қадрдонӣ шуданд.