Салимзода Ш.О.: “Зимни чопи мақолаҳо масъул бошед!”
Душанбе, 10.02.2014. (АМИТ “Ховар”).- Зимни нишасти матбуотии Прокуратураи генералии Ҷумҳурии Тоҷикистон дар санаи 7 феврали соли ҷорӣ Прокурори генералии Ҷумҳурии Тоҷикистон Салимзода Шерхонӣ Одина ба суолҳои намояндагони воситаҳои ахбори омма посухҳои мушаххас дода, аз ҷумла дар иртибот ба саволи намояндаи рӯзномаи “Нигоҳ” гуфт, ки :”Ду-се ҳафта пеш дар ин рӯзнома таҳти унвони “Ҳомиёни қалбакии қонун” мақолаи дастаҷамъонаи 19 нафар маҳкумшуда, ки дар муассисаҳои ислоҳӣ ҷазои маҳрумӣ аз озодиро адо мекунанд, ба табъ расид. Дар мақолаи мазкур гуфта мешавад, ки мақомоти прокуратура барои ба ҷазои сабуктар иваз кардан ва ё ба муассисаи ислоҳи сукунат гузаронидани ин маҳбусон монеъ шуда истодааст. Ба иттилои шумо – рӯзноманигорон мерасонам, ки ҳамаи ин маҳбусон барои муомилоти ғайриқонунии воситаҳои нашъадори навъҳои героин ва афюн ба миқдори махсусан калон, асосан ба миқдори аз 2 то 275 кг ба муҳлатҳои камаш 7 сол ва бешаш то 22 сол аз озодӣ маҳрум шудаанд. Аз ҳамин гуна муҳлатҳои таъйиншуда онҳо танҳо аз 3 то 7 солу 6 моҳашро адо кардаанду халос. Оё барои чунин маҳбусонро ба муассисаи ислоҳи сукунат гузаронидан ва ё ҷазояшонро сабук кардан кӣ ва аз ҷумла кадоме аз шумоён – журналистон масъулиятро бар дӯш мегирад? “
Ин суоли Прокурори генералӣ бепосух монд.
Салимзода Ш.О. таъкид намуд, ки зимни ба чоп расонидани чунин мақолаҳо бодиққат ва масъул бошем.
Маркази ахбори Прокуратураи
генералии Ҷумҳурии Тоҷикистон








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






