Сарҳадбонон курси омӯзишии кинологиро хатм намуданд

Душанбе, 14.02.2014. (АМИТ «Ховар, Лутфия Эшонзода).-  Дар аввали соли ҷорӣ дар Маркази байниидоравии кинологии Агентии назорати маводи нашъаовар (АНМН)-и назди Президенти ҶТ курсҳои 40 рӯзаи таълимӣ барои мутахассисони кинологи Сарраёсати қӯшунҳои сарҳадии КДАМ ҶТ оид ба кор бо сагҳои хизматӣ-ҷустуҷӯӣ дар кашфи маводи нашъаовар гузаронида шуданд.
Тавре ки аз маркази матбуоти АНМН хабар доданд, дар ҷараёни таълим аз тарафи мутахассисони Маркази байниидоравии кинологӣ сарҳадбонон курси назарӣ ва амалии омодагии байторӣ, силсилаи лексияҳои махсус оид ба тактикаи истифодаи сагҳои хизматӣ-ҷустуҷӯиро гузаштанд. Ба ғайр аз ин сарҳадбонон ҳамарӯза ба ром намудани сагҳо машғул буданд, чунки кор бо сагҳо қисми ҷудонашавандаи хизмати сарҳадӣ мебошад.
Баъди ба итмом расидани курсҳо, 14 феврал комиссия аз сарҳадбонон оид ба дониши гирифташуда имтиҳон қабул намуд.