Сармоягузорӣ дар Тоҷикистон аз кадом манобеъ сурат мегирад?

Душанбе, 5.02.2014. (АМИТ «Ховар», Бекназари Абӯбакр). — Маҷмӯи лоиҳаҳои сармоягузории давлатии амалкунандаи Ҷумҳурии Тоҷикистон то ҳолати 1 январи соли 2014 аз 50 лоиҳа иборат буда, маблағи умумии он 9,96 миллиард сомониро ташкил медиҳад, ки аз он 3,99 млрд. сомонӣ грант аст. Дар ин бора 5 январ зимни нишасти матбуоти Кумитаи давлатии сармоягузорӣ ва идораи амволи давлатӣ иттилоъ дода шуд. 
Раиси ин кумита Қодири Қосим зикр намуд, ки маҷмӯи лоиҳаҳои сармоягузории давлатӣ асосан аз 20 манбаъ маблағгузорӣ мешавад. Аз ҷумла, Бонки рушди Осиё – $560,77 млн., ЭксИмБонки Чин – $559,61 млн., Бонки умумиҷаҳонӣ- $208,38 млн., Бонки исломии рушд — $120,95 млн., дигар созмонҳои байналмилалӣ — $504,46 млн. ва саҳми Ҳукумати Тоҷикистон — $133,3 млн. мебошад. 
Мавриди зикр аст, ки маҷмӯи лоиҳаҳо 10 соҳаи гуногуни иқтисодиётро дар бар гирифта, дар давоми соли сипаригашта 1 миллиарду 207 миллион сомонии он аз худ карда шудааст.