Сатҳи таваррум дар январ 0,4 фоизро ташкил намуд

Душанбе, 17.02.2014. (АМИТ «Ховар», Лайло Тоирӣ).-  Таваррум, ки аз нишондиҳандаҳои муҳими макроиқтисодӣ ба шумор меравад, дар моҳи январи соли равон 0,4 фоизро ташкил намуд, ки нисбат ба ҳамин давраи соли гузашта 0,1 банди фоизӣ паст мебошад. 
     Дар давоми 12 моҳи охир нишондиҳандаи номбурда ба 3,6 фоиз баробар шуд. 
    Тавре ки аз хадамоти матбуоти Бонки миллии Тоҷикистон хабар доданд, бо қарори навбатии Раёсати Бонки миллии Тоҷикистон 10 январи соли 2014 меъёри бозтамвил ба андозаи 0,7 банди фоизӣ паст ва дар сатҳи 4,8 фоизи солона муқаррар гардид.