Ш. Салимзода дар Парлумон гузориш медиҳад

        Душанбе, 25.02.2014.(АМИТ «Ховар», Марзия Саидзода).- 27 феврали соли равон дар Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати  чорум баргузор мегардад. Интизор меравад, ки дар иҷлосия аъзои палатаи болоии Парлумони кишвар маҷмӯи масъалаҳои  марбут ба рушди  ҳаёти иқтисодию иҷтимоӣ ва фарҳангии кишварро матраҳ хоҳанд кард.
          Аз палатаи болоии Парлумони  мамлакат ба АМИТ «Ховар» иттилоъ доданд, ки дар иҷлосия ба қонунҳои Ҷумҳурии Тоҷикистон «Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон», «Дар бораи коғазҳои қиматнок», инчунин ба Кодекси ҷиноятии Ҷумҳурии Тоҷикистон ва Кодекси мурофиавии ҷиноятии Ҷумҳурии Тоҷикистон тағйиру иловаҳо ворид мешаванд.
           Ҳамзамон интизор меравад, ки дар назди аъзои Маҷлиси миллӣ Прокурори генералии  Ҷумҳурии  Тоҷикистон Шерхон Салимзода доир ба назорати  риояи дақиқ  ва иҷрои якхелаи қонунҳо  дар қаламрави кишвар дар соли  2013 гузориш хоҳад дод