«Сифат аз нигоҳи кӯдакон»-озмун

Февраль 5, 2014 14:08

 
     Душанбе, 05.02.2014. (АМИТ «Ховар», Муқаддас Кушакова).- Яке аз самтҳои фаъолияти Агентии «Тоҷикстандарт» дар заминаи татбиқи Қонуни Ҷумҳурии Тоҷикистон «Дар бораи ҳимояи ҳуқуқи истеъмолкунандагон» тавсеаи ҳамкорӣ бо истеъмолкунандагон мебошад, ки дар ин самт  ҳамасола корҳои зиёде ба анҷом расонида мешаванд.
   Агентии «Тоҷикстандарт» имсол ҷиҳати татбиқи  Қонуни Ҷумҳурии Тоҷикистон «Дар бораи Барномаи давлатии сифат барои солҳои 2013-2015» бо мақсади тарбияи кӯдакон ва дар руҳияи амиқ дарк кардани мафҳуми сифат ва нақши он дар ҷомеа, инкишоф додани тафаккури кӯдакон оид ба сифат, тарбия ва тайёр намудани истеъмолкунандаи худогоҳ, дар ҳамкорӣ бо Вазорати маориф бори аввал дар байни хонандагон озмуни минтақавии «Сифат аз нигоҳи кӯдакон»-ро ба таври расмкашӣ гузаронид. Дар озмун кӯдакони синни томактабӣ, синфҳои ибтидоӣ ва болоӣ, яъне аз 5 то 17 сола бори аввал иштирок карданд. Озмун аз рӯи мавзӯъҳои «Ман маҳсулоти босифатро интихоб мекунам», «Ман намаки йоднокро интихоб мекунам», «Овеза (плакат)-и беҳтарин дар мавзӯи истеъмолӣ», «Экология аз нигоҳи кӯдакон» баргузор шуд. Дар сӯҳбат бо мухбири АМИТ «Ховар» Мурод Ашӯров, сардори Маркази матбуоти Агентии «Тоҷикстандарт» гуфт, ки натиҷаҳои озмун бо баргузор намудани намоишгоҳ ва чорабинии тантанавӣ дар вилоятҳо ҷамъбаст шуданд. Ғолибони озмун имрӯз  дар шаҳри Душанбе муаррифӣ шуда, аз 403 расме, ки кӯдакон пешкаш намуданд, 31- тоаш ҷойҳои якум, дуюм ва сеюмро ишғол намуда, бо мукофотҳои хотиравӣ сарфароз шуданд.
Зикр кардан ба маврид аст, ки баргузории чунин чорабиниҳо барои баланд бардоштани сатҳи маърифати истеъмолкунандагон мусоидат мекунад.

 

Февраль 5, 2014 14:08

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд