Соҳибкорони Қатар — ҷонибдори лоиҳаҳои Тоҷикистон

 
Душанбе, 14.02.2014. (АМИТ «Ховар»,  Кристина  Эрлих).-   13  феврал  раиси  Палатаи  савдо  ва  саноати  ҶТ   Шариф  Саид Сафири  Қатар  дар  Тоҷикистон  Алӣ  бани  Муборак  Саид  ал — Муҳаннаддиро ба  ҳузур  пазируфт.  Дар  ин  бора  аз  маркази   матбуоти  ПСС  ҶТ  ба  АМИТ «Ховар»  хабар  доданд.
 
Дар  ҷараёни  мулоқот   перомуни   вазъи  имрӯза ва дурнамои  рушду  таҳкими   муносибатҳои  Тоҷикистону  Қатар  мубодилаи  афкор  баргузор  шуд.
 
Шариф  Саид  ба  сафир   дар  бораи   имкониятҳои   ҳамкории  тиҷоратию  иқтисодӣ  ва  инвеститсионӣ  бо  Тоҷикистон   нақл  карда,   пешниҳод  намуд, ки  дар  шаҳри  Душанбе  намоишгоҳи   маҳсулоти  корхонаҳои  Қатар  ташкил  карда шавад.
 
Алӣ  бани  Муборак  Саид  ал — Муҳаннадди  дар навбати  худ  зикр  намуд, ки  тоҷирону   соҳибкорони  Қатар  ба  лоиҳаҳои  сармоягузории  Тоҷикистон  шавқу  ҳаваси  бештаре  зоҳир  менамоянд.