Сокини пойтахт бо 5 кг бангдона дастгир шуд

Февраль 17, 2014 15:56

Душанбе, 17 . 02. 2014. (АМИТ «Ховар», Лутфия Эшонзода).-Кормандони Агентии назорати маводи нашъаовари (АНМН) назди Президенти ҶТ сокини пойтахтро боздошт намуданд, ки аз ӯ ҳаҷми калони маводи нашъаовар мусодира гардид.
Тавре ки маркази матбуоти АНМН хабар дод, ки ба кормандони агентӣ маълум гардид, ки сокини 28-солаи пойтахт Д.Ф. ба муомилоти ғайриқонунии маводи нашъаовар даст задааст. Зимни  азназаргузаронии манзили зисти ӯ бо истифодаи саги хизматӣ-кофтуковӣ, бо риояи ҳамаи меъёрҳои тартиботи мурофиаи судӣ  кормандони агентӣ аз махфигоҳ се бастаи полиэтиленӣ ва як халта дарёфт гардид, ки дар дохили онҳо маводи растании сабзранг мавҷуд буд. Тавре ки ташхиси экспертӣ нишон дод, маводи мусодирашуда воситаи нашъадори навъи бангдона буда, вазни умумиаш 5 кг-ро ташкил менамояд.
Зимни тафтиши пешакӣ маълум гардид, ки дастгиршуда дар давоми умри 28-солааш аллакай доғи судӣ дорад. Пештар ӯ барои даст доштан дар муомилоти ғайриқонунии маводи нашъаовар ба ҷазои ҷиноятӣ ҷалб шуда буд.
Аз тарафи шуъбаи тафтишоти агентӣ парвандаи ҷиноӣ аз рӯи аломатҳои ҷиноятҳое, ки бо қ 3 моддаи 200 Кодекси Ҷиноятии Ҷумҳурии Тоҷикистон пешбинӣ шудаанд, оғоз гардид.
Боздоштшуда ба тавқифгоҳи нигоҳдории муваққатии агентӣ ворид карда шуд
 
 
 
 
 

Февраль 17, 2014 15:56

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд