Тӯҳфаи Президент ба Қӯшунҳои зудамал

Душанбе, 21.02.2014. (АМИТ «Ховар», Лайло Тоирӣ).- Ба муносибати 21-умин солгарди таъсисёбии Қувваҳои Мусаллаҳи Ҷумҳурии Тоҷикистон чанде қабл дар Баталиони посбоникунандаи Қӯшунҳои зудамали Вазорати мудофиа чорабинии идона доир гардид. 
Аз Вазорати мудофиаи кишвар ба АМИТ «Ховар» хабар доданд, ки дар ин чорабинӣ тӯҳфаҳои идонаро аз номи Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳ Эмомалӣ Раҳмон масъулини Раёсати кор бо ҳайати шахсӣ дар якҷоягӣ бо масъулини Қӯшунҳои зудамал ба қисму воҳидҳои ҳарбии ин навъи қӯшун, аз ҷумла қисмҳои ҳарбии 17651, 12019, 06870, ки дар гарнизони Душанбе ҷойгиранд, супориданд. Тӯҳфаҳои идона аз маблағҳои пулӣ, телевизору антенаҳои замонавӣ ва дигар лавозимоти зарурии техникӣ иборат буд.