Тақдими мошини мусофирбар ба варзишгарон

Февраль 6, 2014 14:56

 
Хоруғ, 06.02.2014. (АМИТ «Ховар», Файз Мирасан).- Раиси ВМКБ Шодихон Ҷамшед бо варзишгарони шаҳру навоҳии вилоят, ки дар сабқатҳои ватанию ҷаҳонӣ соҳиби ҷоиза гардиданд, суҳбати ошкорову самимӣ баргузор кард. 
        Раиси вилоят аз боби дастовардҳои варзишгарон дар соли гузашта ёдоварӣ намуда, гуфт, ки  дар ин сол варзишгарони вилоят аз мусобиқаҳои дохилию байналмилалӣ бо 193 медал, ки 50- тояшон  тилло мебошад, баргаштанд. Зикр шуд, ки бештари дастовардҳои варзишӣ дар кишвар дар замони истиқлолият ба даст омадаанд. Алъон дар ҳудуди вилоят 413 иншооти гуногуни варзишӣ фаъол аст. Раиси вилоят гуфт, ки дар ояндаи наздик бо супориши бевоситаи Президенти кишвар толори боҳашамати варзишӣ бо сарфи 17 миллион сомонӣ дар маркази вилоят бунёд мегардад. Ҳамчунин соли равон дар маҳалаи Теми шаҳр ва  ноҳияи Шуғнон бунёди се толори муосир оғоз мегардад.
             Раиси вилоят гуфт, ки ҳангоми сафар ба сабқатҳои варзишии ҷумҳуриявӣ варзишгарон барои пайдо кардани нақлиёт бо мушкилӣ рӯ ба рӯ мешаванд. Инро ба назар гирифта, мақомоти маҳаллии  ҳокимияти давлатии вилоят  ба варзишгарон мошини мусофирбарро бо 14 ҷои нишаст тақдим намуд.

Февраль 6, 2014 14:56

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд