Таҳкими фаъолияти БДА дар Бадахшон

     Хоруғ, 17.02.2014. (АМИТ «Ховар», Файз Мирасан).- Дар  моҳи  аввали  соли  2014-ум  кормандони шуъбаи  Бозрасии  давлатии автомобилии  раёсати Вазорати  корҳои дохилӣ дар   ВМКБ  барои таъмин намудани  бехатарии ҳаракат дар роҳ,  пешгирӣ аз садамаҳои нақлиётӣ  ва вайронкунии қоидаҳо дар роҳ    корҳои зиёдро анҷом доданд.
     Дар ин муддат дар  роҳҳои  мошингарди   Бадахшон  1113  мавриди вайронкунии қоидаҳои ҳаракати нақлиёт  ба қайд гирифта шуд.  Ба  гуфтаи  муовини сардори шуъбаи Бозрасии давлатии автомобилии раёсати Вазорати корҳои дохилӣ дар  ВМКБ  Муҳиддин Юсупов  ҳодисаҳои бе шаҳодатномаи ронандагӣ рондани мошин, дар ҳолати мастӣ идора кардани  нақлиёт,   баланд бардоштани суръати ҳаракат ҳанӯз ҳам зиёд ба назар мерасанд.
       Ҳамчунин дар ин муддат  5 садамаи нақлиётӣ ба вуқуъ пайваста, дар натиҷа як нафар ҳалок ва 12 нафар  ҷароҳати гуногуни ҷисмонӣ бардошт.