Таҳсилоти касбию техникӣ дастгирӣ мешавад

Душанбе, 13.02.2014. (АМИТ «Ховар»).- Тарҳрезии   лоиҳаи  афзун  намудани самара  ва   баланд  бардоштани  сифати  таҳсилоти  касбию  техникӣ  дар  Тоҷикистон   оғоз  ёфт. Ин боиси  афзудани   шумораи  кормандони  баландихтисосе  мегардад, ки  имконияти ба  даст  овардани  кори  сердаромадро  доранд.
 
Тавре  ки аз  намояндагии  Бонки  рушди  Осиё  дар  ҶТ  хабар  доданд, кӯмаки  ройгонии  Бунёди   оид ба   коҳиш  додани  камбизоатии  Ҷопон  ба  маблағи  700 ҳазор  доллари  ИМА  имкон  медиҳад, ки Лоиҳаи  оид ба  иштироки  бештари  бахши  инфиродӣ  дар  таҳсилоту  таълими  касбию  техникӣ  ба таври  судманд  дар  амал  татбиқ  карда шавад.
 
Лоиҳаи  мазкур  усул ва  сохтору  сифати   таълим  дар  низоми  таҳсилоти  касбию  техникиро  беҳтар  месозад. Дар  ҳошияи  лоиҳа  ҳамчунин  Бунёди таълими  касбӣ  барои  беҳбуди  дастрасӣ ба  таҳсилоти  табақаҳои  камбизоати  аҳолӣ,  аз  ҷумла  занон таъсис  меёбад. Кормандони  Сафорати  Ҷопон  дар шаҳри  Душанбе  ва Маркази  рушду   камолоти  инсон  дар  Ҷумҳурии  Қирғизистон  барои  таҳияи   лоиҳаи  мазкур   дасти  ёрӣ  дароз  карданд.