Таҷдиди муваффақонаи шоҳроҳи Душанбе-Турсунзода

Турсунзода, 21.02.2014. (АМИТ «Ховар», Ҳотами Шариф). –«Аз 10 адад кӯпруке,  ки дар шоҳроҳи Душанбе-Турсунзода-сарҳади Ӯзбекистон бояд сохта ё таҷдид шаванд, 9 ададаш мавриди баҳрабардорӣ қарор гирифт»,- иброз дошт дар суҳбат бо мухбири АМИТ «Ховар» менеҷери лоиҳаи роҳи мазкур Хурсанд Бобиев.
Мавриди зикр аст, ки аз моҳи октябри соли 2011 таъмиру таҷдиди роҳи мошингарди Душанбе-Турсунзода-сарҳади Ӯзбекистон оғоз шуда, бомуваффақият идома дорад. Арзиши умумии ин лоиҳа 131, 2 миллион доллари ИМА буда, 11,2 миллион доллари ИМА саҳми Ҳукумати Ҷумҳурии Тоҷикистон мебошад. 
Тибқи нақша роҳи мазкур моҳи октябри соли ҷорӣ пурра ба истифода дода хоҳад шуд.