Тарма роҳи Хоруғ-Душанберо масдуд кард
Хоруғ, 4.02.2014. (АМИТ «Ховар», Файз Мирасан).- Боронгариҳои чанд рӯзи охир роҳи мошингарди Хоруғ-Душанберо гоҳе кушодаву гоҳе баста нигаҳ медорад. Назар ба иттилои ситоди ҳолатҳои изтирории вилоят аз якуми феврал бад ин сӯ дар роҳҳои мошингарди ноҳияи Дарвоз ҳамарӯза тарма мефарояд. Ба гуфтаи як нафар аз масъулини ситод Давлат Абдураҳмонов тармае, ки рӯзи 3 феврал дар деҳаи Вишхарви ҷамоати Курговад фуромад, дарозиаш 25 ва баландиаш беш аз панҷ метрро дар бар гирифт. Роҳсозон ба пок кардани ин тарма машғул буданд, ки дар деҳаи ҳамсоя -Шодак кӯҳпорае ба сари роҳи мошингард сарозер шуд. Алъон ба ҷойҳои хатарзо техникаву механизмҳо интиқол дода шуда ва корҳои барқароркунӣ ва поксозии роҳҳо аз барфу сангрезаҳо идома доранд. Гуфта мешавад, ки то субҳи рӯзи панҷуми феврал роҳи мошингарди Хоруғ- Душанбе боз мегардад.
Ситоди вазъи изтирории вилоят аз шаҳрвандоне, ки озими пойтахти кишвар ҳастанд, хоҳиш кардааст, то барқарорсозии роҳ сафарашонро мавқуф гузоранд.
.
Имрӯз дар водиҳои Тоҷикистон ҳаво то 42 дараҷа гарм мешавад
ИСТИФОДАИ САМАРАНОКИ ЗАМИН. Сокини Ҷамоати деҳоти Деҳқонободи ноҳияи Дӯстӣ аз як замин се навъи маҳсулот ҷамъоварӣ мекунад
Дар Тоҷикистон мусобиқаи «МегаФон Life дар сабки футбол» анҷом ёфт
Имрӯз дар шаҳри Душанбе ҳаво то 39 дараҷа гарм мешавад
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
