Ташвиқи муҳоҷирати бехатар

Февраль 14, 2014 09:46

Душанбе, 14.02.2014. (АМИТ «Ховар», Лайло Тоирӣ).- Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд дар ҳамкорӣ бо мақомоти иҷроияи маҳаллии ҳокимияти давлатӣ дар шаҳру ноҳияҳо, ҷамоатҳои шаҳраку деҳот, созмонҳои байналхалқӣ ва ташкилотҳои ҷамъиятӣ вобаста ба муҳоҷирати бехатар дар байни аҳолӣ, аз ҷумла муҳоҷирони меҳнатӣ корҳои фаҳмондадиҳӣ ва ташвиқоту тарғиботӣ мебарад. 
Дар робита ба ин,  11 феврали соли 2014 дар байни раёсат ва филиали Ташкилоти ҷамъиятии «Марказ оид ба ҳуқуқҳои инсон» дар шаҳри Хуҷанд оид ба ташкил ва гузаронидани семинарҳои якҷоя дар ҷамоатҳои шаҳраку деҳоти як силсила шаҳру ноҳияҳо, аз қабили Исфара, Конибодом, Истиқлол, Қайроққум, Зафаробод, Ашт, Мастчоҳ, Бобоҷон Ғафуров ва Шаҳристон созишномаи дуҷониба ба имзо расид.
Тавре ки  аз шуъбаи робита бо ҷомеаи Хадамоти муҳоҷират иттилоъ доданд, тибқи нақша чорабиниҳои маърифатии муштарак аз санаи 18 феврали соли равон оғоз ёфта, то 22 апрел давом ёфтанд. Дар маҷмӯъ гузаронидани зиёда аз 50 семинар ба нақша гирифта шудааст.
 
 
 
 
 
 

Февраль 14, 2014 09:46

Хабарҳои дигари ин бахш