Таъсиси 8 марказ барои ҷабрдидагони зӯроварӣ дар оила
Душанбе, 10.02.2014. (АМИТ «Ховар», Лутфия Эшонқулова).-Масъалаи пешгирии зӯроварӣ дар оила, шиканҷа ва дигар намудҳои муносибат ва ҷазои бераҳмона, ғайриқонунӣ ё таҳқиркунандаи шаъну шараф дар Душанбе бо иштироки вазири корҳои дохилӣ Рамазон Раҳимов, прокурори генералии Ҷумҳурии Тоҷикистон Шерхон Салимзода, мудири Раёсати мудофиа ва ҳифзи тартиботи ҳуқуқии дастгоҳи иҷроияи Президенти Ҷумҳурии Тоҷикистон Аҳтам Абдуллоев, ваколатдор оид ба ҳуқуқи инсон Зариф Ализода ва раиси Кумитаи кор бо занон ва оилаи назди Ҳукумати Ҷумҳурии Тоҷикистон Махфират Хидирова муҳокима гардид.Тавре ки ба АМИТ «Ховар» аз маркази матбуоти Вазорати корҳои дохилӣ хабар доданд, дар чорабинӣ Р. Раҳимов гуфт, ки: «Мавзӯи семинари имрӯза яке аз мавзӯъҳои муҳим ба шумор меравад, ки мо имрӯз дар якҷоягӣ бо дигар сохторҳои мақомоти ҳифзи ҳуқуқ онро баррасӣ менамоем». Вазири корҳои дохилӣ афзуд, ки васл намудани камераҳои мушоҳидавӣ дар маҳкамаҳои нигоҳдории муваққатӣ (ИВС), таъсис додани марказҳои тестӣ дар Вазорати корҳои дохилӣ ва раёсатҳои шаҳру вилоятҳо, созмон додани «Телефони боварӣ», сомонаи расмии ВКД ва амалӣ намудани лоиҳаи «Шаҳри бехатар», бешубҳа, ба пешгирии шиканҷа ва зӯроварӣ дар оила мусоидат менамояд».Прокурори генералии Ҷумҳурии Тоҷикистон Шерхон Салимзода изҳор кард, ки: «Ҷомеаи Тоҷикистон ба давраи нави рушд ворид шуд ва дар он ҳуқуқ ва озодиҳои инсон ҳамчун арзиши олӣ эътироф гардида, риоя мешаванд. Ман боварӣ дорам, баргузории семинари имрӯза баҳри пешгирии шиканҷа ва зӯроварӣ дар оила такони ҷиддӣ бахшида, андешидани тадбирҳоро бар зидди ин зуҳуроти номатлуб тақвият мебахшад».Раиси Кумитаи кор бо занон ва оилаи назди Ҳукумати Ҷумҳурии Тоҷикистон Махфират Хидирова аз ҷой доштани ҳолатҳои зӯроварӣ дар оила изҳори нигаронӣ намуда, оид ба «Барномаи давлатии пешгирии зӯроварӣ дар оила» ва равона гардидани он ба ду самти асосӣ изҳори андеша намуд. Мавсуф зикр кард, ки самти аввал- ин баланд бардоштани маърифати ҳуқуқии занон ва самти дуввум аз ташаккул додани афкори таҳаммулнопазир нисбат ба ин масъала иборат аст.Махфират Хидирова аз таъсиси 105 маркази иттилоотӣ барои расонидани кӯмаки ҳуқуқӣ ва 8 марказ барои расонидани ёрӣ ба ҷабрдидагони зӯроварӣ ва инчунин марказҳои кумакрасон дар шаҳру навоҳӣ иттилоъ дод.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






