Тоҷиддин 13 кг бангдонаро куҷо мебурд?

Душанбе, 24. 02. 2014. (АМИТ «Ховар», Муқаддас Темурзода).-Тибқи иттилои маркази матбуоти Вазорати корҳои дохилии Ҷумҳурии Тоҷикистон, зимни гузаронидани чорабиниҳои фаврӣ-ҷустуҷӯӣ кормандони милитсия, бо гумони даст доштан ба гардиши ғайриқонунии маводи мухаддир сокини пойтахт шаҳрванд Тоҷиддин Зоидов, соли таваллудаш 1975 дастгир карда шуд. Ҳангоми кофтукови хонаи истиқоматии дастгиршуда, 13 килограмму 830 грамм маводи нашъадори «бангдона» дарёфт ва мусодира карда шуд. Аз рӯи далели мазкур бо моддаи 200 қисми 4-и Кодекси Ҷиноятии Ҷумҳурии Тоҷикистон парвандаи ҷиноӣ оғоз гардида, тафтишоти пешакӣ идома дорад.