Тоҷикистон ба ҷашнвораи мусиқӣ даъват шуд
Душанбе, 14.02.2014. (АМИТ «Ховар», Марҳабо Зунунова).- Тоҷикистон барои иштирок дар Ҷашнвораи 1У байналмилалии мусиқии кишварҳои минтақаи Осиё ва уқёнуси Ором, ки аз 26 июн то 4 июли соли 2014 дар Красноярск баргузор мегардад, даъват шудааст. Дар ин бора намояндаи расмии Сафорати ҶТ дар ФР М.Эгамзод ба АМИТ «Ховар» хабар дод.
Назар ба иттилои манбаъ, мактуби расмии ҳокими кишвари Красноярск Лев Кузнетсов аз рӯи ин масъала ба унвони сафири ҶТ дар ФР Абдулмаҷид Достиев расидааст. Дар мактуб гуфта мешавад, ки ҷашнвораи пешорӯ муколамаи фарҳанги халқҳои минтақаи Осиё ва уқёнуси Ором ба шумор рафта ва он бо дастгирии Вазорати фарҳанги ФР, иштироки фаъолонаи Вазорати корҳои хориҷии ФР таҳти васояти Комиссияи Федератсияи Русия оид ба умури ЮНЕСКО баргузор гардида, яке аз чорабиниҳои калонтарини фарҳангӣ дар Осиё маҳсуб меёбад. Барномаи ҷашнвора иборат аз ҷанбаҳои мухталифи санъати анъанавии халқ ва мусиқии муосир мебошад.
«Намояндагони кишвари Красноярск изҳори умедворӣ намуданд, ки Тоҷикистон дар ин ҷашнвора ба таври шоиста ширкат мекунад. Пешниҳод шудааст, ки дар ҳошияи ҷашнвора намоишгоҳи осори нависандагону шоирони ҷумҳурӣ ташкил гардад», — гуфт М.Эгамзод.
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
Имрӯз дар Прокуратураи генералӣ, Вазорати молия, Кумитаи андоз, агентиҳои назорати давлатии молиявӣ ва мубориза бо коррупсия ва суғуртаи иҷтимоӣ ва нафақа нишасти матбуотӣ баргузор мегардад
Аз 21 то 23 июл дар Тоҷикистон ҳавои номусоид ва бориши борон дар назар аст
МегаФон Тоҷикистон дастрасии муштариёнро ба онлайн-кинотеатри Wink боз намуд
Имрӯз дар шаҳри Душанбе ҳаво то 40 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
Дар Данғара таҳти унвони «Ҷомеаи солим маҳсули оилаи солим аст» иқдоми маърифатӣ доир шуд
