Усули нави интиқоли маводи нашъадор

 Хоруғ, 24.02.2014. (АМИТ «Ховар», Файз Мирасан).- Кормандони раёсати Кумитаи давлатии амнияти миллӣ дар Бадахшон бо усули нави интиқоли маводи мухаддир аз сӯи қочоқбарони афғон рӯ ба рӯ шуда ва сари вақт онро ҷилавгирӣ намуданд. Ин дафъа қочоқбарон барои пешгирӣ аз боздошти худ ба воситаи фалахмон як бастаи селофании нашъадорро ба ин сӯи рӯдхонаи Панҷ,  яъне ҷониби Тоҷикистон ҳаво доданд. Аммо чашмашон ба кормандони раёсати амнияти миллӣ афтода, зуд маконашро тарк намуда, ба кӯҳу пушта фирор карданд. 
      Ҳангоми ҷустуҷӯ дар соҳили дарё кормандони раёсати амниятӣ чаҳор бастаи маводи мухаддирро пайдо намуданд. Маводи кашфшуда тахминан як килограмму 800 граммро ташкил дод.