Вазъи кунунии истилоҳоти соҳавӣ дар забони тоҷикӣ

 
Душанбе, 18.02.2014. (АМИТ «Ховар», Раъно Нусратуллозода).- Имрӯз дар Китобхонаи миллии Тоҷикистон бо ибтикори Кумитаи забон ва истилоҳоти назди Ҳукумати Ҷумҳурии Тоҷикистон ва Китобхонаи миллии Тоҷикистон таҳти унвони «Вазъи кунунии истилоҳоти соҳавӣ дар забони тоҷикӣ» мизи мудаввар баргузор гардид. Дар ҷамъомад мудири шӯъбаи Кумитаи забон ва истилоҳоти назди Ҳукумати Ҷумҳурии Тоҷикистон Нуқра Аҳмадова роҷеъ ба вазъи кунунии истилоҳоти забон, мушкилот ва роҳҳои ҳалли он сухан гуфт. Сипас ходими калони илмии Пажӯҳишгоҳи забон, адабиёт, шарқшиносӣ ва мероси хаттии ба номи  Рӯдакӣ Мирзоҳасан  Султонов дар мавзӯи «Вазъи корбасти истилоҳоти иқтисодӣ дар забони тоҷикӣ» маърӯза намуд.
  Дар чорабинӣ олимон, иқтисоддонон, забоншиносон, тарҷумонон, кормандони  Китобхонаи миллӣ  иштирок намуданд. Иштирокдорони ҳамоиш  доир ба мавзӯъҳои баррасигардида табодули назар карданд.