Вуруди технологияи олмонӣ ба Суғд
Душанбе, 26.02.2014. (АМИТ «Ховар», Зарангези Латиф).- Дирӯз раиси вилояти Суғд Абдураҳмон Қодирӣ роҳбари Бонки Рушди Олмон (КfW) дар Ҷумҳурии Тоҷикистон Кристин Лаабсро, ки бо сафари кории дурӯза ба вилоят ташриф овард, ба ҳузур пазируфт.
Зимни суҳбат зикр гардид, ки вилояти Суғд дорои имкониятҳои хуб дар заминаи коркарди пахта ва саноати сабук буда, дар ин замина метавон ҳамкориҳои самаранокро ба роҳ монд.
Бино ба иттилои хадамоти матбуоти раиси вилояти Суғд Кристин Лаабс гуфт, ки иқдомоти мақомоти иҷроияи ҳокимияти давлатии вилояти Суғд бо самти фаъолияти Бонки Рушди Олмон (КfW) ҳамоҳанг аст ва дар ин росто ҳамкориҳои бештар ба роҳ монда хоҳанд шуд.
Ба иттилои манбаи марбута дар мулоқот ҳамчунин пешниҳод шуд, ки Бонки Рушди Олмон (КfW) барои вуруди технологияҳои ҷадид ба беморхонаи вилоятӣ мусоидат намояд. Ин пешниҳод қабул гардид ва Кристин Лаабс тасмим гирифт, ки бо фаъолияти беморхонаи вилоятӣ шинос гардад.
Мавриди зикр аст, ки Кристин Лаабс зимни ин сафар ҳамчунин аз Маркази вилоятии мубориза бар зидди бемориҳои сил, воқеъ дар ҷамоати Деҳмой, минтақаи озоди иқтисодии “Суғд” ва ҷамъияти саҳҳомии “Зиннат” дидан хоҳад кард.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






