110 ҳазор доллари Ҷопон барои таъмири канал

Хоруғ, 15.03.2014. (АМИТ «Ховар», Файз Мирасан).- Дар соли ҷорӣ Сафорати Ҷопон дар Тоҷикистон барои таъмири канали Назаршо Додихудои шаҳри Хоруғ 110 ҳазор доллар ҷудо кардааст. Аз ҳисоби ин маблағ барои таъмири каналҳои ҳудуди шаҳр ба маблағи 42 ҳазор доллар трактор харид шудааст. Ба гуфтаи мутахассисони Раёсати мелиоратсия ва захираҳои оби вилоят сарбанди канал куллан тахриб шуда, барои васеъ кардани дохили канал ва харидории сементу арматур ва анҷоми корҳои таркишӣ ин миқдор маблағ камӣ мекунад.Гуфта шуд, ки маблағи ҷудошуда танҳо барои анҷом додани як қисмати кор кифоят карда, барои пурра таъмиру таҷдиди он боз наздики 42 ҳазор сомонии дигар лозим мебошад. Дар ҳамин ҳол тибқи хулосаҳои мутахассисон барои таъмини сокинони шаҳри Хоруғ бо оби полезӣ аз ҳисоби коргарони корхонаву муассисаҳои дохили шаҳр ва сокинони маҳаллаҳои он анҷоми корҳои таъмиру сохтмонӣ дар назар дошта шудааст.