Қоидаҳои муҳоҷирати бехатар
Душанбе, 18.03.2014. (АМИТ «Ховар», Муқаддас Темурзода).-Ҳафтаи гузашта Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар ноҳияи Ашти вилояти Суғд корҳои фаҳмондадиҳӣ ва ташвиқоту тарғиботро вобаста ба муҳоҷирати бехатар дар байни аҳли ҷомеа, аз ҷумла муҳоҷирони меҳнатӣ гузаронид.
Тибқи иттилои муовини сардори Раёсати вазорати мазкур Ҷамшедхон Атаев, бо дастгирии мақомоти иҷроияи маҳаллии ҳокимияти давлатӣ дар ҷамоатҳои Шайдон ва Ошоба бо аҳолӣ вохӯрӣ доир гардид.
Ба ҳайати гурӯҳҳои ташвиқотию тарғиботӣ сармутахассисони Раёсат Зафар Бобоев ва Абдуқайюм Гадобоев, ҳуқуқшиноси ТҶ «Марказ оид ба ҳуқуқҳои инсон» дар шаҳри Хуҷанд Азалхон Олимов, намояндагони Агентии шуғли аҳолӣ, мақомоти ҳифзи ҳуқуқ ва кормандони ҷамоатҳо шомил буданд.
Дар ҷараёни мулоқот ба ҳозирин тағйироту навигариҳо дар қонунгузории Федератсияи Русия вобаста ба муҳоҷират ва қоидаҳои муҳоҷирати бехатар фаҳмонида шуданд.
Бояд зикр намуд, ки зимни саволу ҷавоби озод шаҳрвандон ба саволҳои худ посухҳои мушаххас гирифтанд.
Дар чорабинии ташвиқотию тарғиботӣ наздики 80 нафар шаҳрванд иштирок намуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






