Қурби доллари ИМА боз поин рафт

Душанбе, 06.03.2014. (АМИТ «Ховар», Лайло Тоирӣ).- Қурби доллари ИМА дар давоми ҳафта дар нуқтаҳои мубодилаи асъори ҷумҳурӣ каме поин рафта, ба ҳисоби миёна 4,9540-4,9770 сомониро ташкил намуд.  Дар ин рӯзҳо қурби миёнаи амалиёт бо рубли русӣ низ андаке паст шуда, ба 0,1335-0,1345 сомонӣ ва қурби евро бетағйир боқӣ монда, ба 6,7425-6,7660 сомонӣ баробар шуд. Тавре ки аз хадамоти матбуоти Бонки миллии Тоҷикистон хабар доданд, 6 март қурби миёнаи доллари ИМА дар нуқтаҳои мубодилаи асъори шаҳрҳои Душанбе 4,9590-4,9780 сомонӣ, Хуҷанд 4,9600-4,9700 сомонӣ ва Қурғонтеппа 4,9600-4,9800 сомониро ташкил дод.