Ҳалокати ду нафар аз беэҳтиётии ронандагон

Душанбе, 28.03.2014. (АМИТ «Ховар», Муқаддас Темурзода).- Дар натиҷаи садамаи нақлиётӣ бар асари беэҳтиётии ронандагон ду нафар ба ҳалокат расид. Назар ба хабари Вазорати корҳои дохилии Ҷумҳурии Тоҷикистон ронандаи мошини тамғаи «Toyota Land Kruzer 200» Ҳасан Маҳмадтоҳиров – сокини ноҳияи Вахш, дар роҳи мошингарди Фархор — Ваҳдат аз ӯҳдаи идораи нақлиёт баромада натавониста, дар натиҷаи ин сокини ноҳияи Фархор Толибҷон Бобоевро пахш намуд. Шахси зарардида ҷароҳатҳои сахт бардошта, дар маҳалли ин ҳодиса ба ҳалокат расид. Ҳамчунин ронандаи мошини тамғаи «ВАЗ — 21063» Болтабой Шарифов — сокини ноҳияи Бобоҷон Ғафуров, ҳангоми ҳаракат дар ҳудуди деҳаи Зарзамин бехатарии ҳаракати нақлиётро таъмин накарда, сокини ноҳияи зикршуда Анварҷон Бойматовро пахш намуд, ки мавсуф ҷароҳатҳои сахт бардошта, дар беморхона ҳалок шуд.