Ҳамоиши байналмилалӣ ба ифтихори 20-умин солгарди Конститутсия

Март 31, 2014 15:36

         Душанбе, 31.03.2014. (АМИТ «Ховар», Марзия Саидзода).-«Нақши Конститутсияи (Сарқонуни) Ҷумҳурии Тоҷикистон дар бунёди давлати соҳибихтиёр, демократӣ ҳуқуқбунёд, иҷтимоӣ, дунявӣ ва ягона» -интизор меравад, ки таҳти чунин унвон ба ифтихори 20-умин солгарди қабули Қонуни асосии кишвар- Конститутсия моҳи сентябри соли равон  дар Душанбе конфронси байналмилалӣ  баргузор гардад. 
            Дар робита ба ин тибқи қарори Ҳукумати Ҷумҳурии Тоҷикистон сохторҳои марбут ба баргузории  ин ҳамоиши байналмилалӣ  мушаххас гардидаанд. Вазоратҳои корҳои хориҷӣ ва адлия, Маркази миллии қонунгузорӣ, Суди конститутсионӣ, Академияи илмҳо, Донишгоҳи миллии Тоҷикистон ва шаҳрдории Душанбе масъули баргузории ин конфронси байналмилалианд.
           Бояд тазаккур дод, ки Конститутсияи Ҷумҳурии Тоҷикистон 6 ноябри соли 1994 тавассути раъйпурсии умумихалқӣ қабул гардида, аз 10 боб ва 100 модда иборат аст. Конститутсия — Қонуни асосӣ ва сарнавиштсози миллати тоҷик маҳсуб ёфта,  низоми давлатдориро муайян намуда, ҳифзи ҳуқуқу озодиҳои инсон ва шаҳрвандонро дар ҷомеа таъмин мекунад. Ба Қонуни  асосии  кишвар ду маротиба- солҳои 1999 ва 2003 тағиру иловаҳо ворид шудаанд. 

Март 31, 2014 15:36

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд