Ҷоизаҳо ба рӯзноманигорони Суғд
Душанбе, 12.03.2014. (АМИТ «Ховар», Мавҷуда Анварӣ).- Дирӯз, 11 март дар Кохи матбуоти шаҳри Хуҷанд бо ҳузури наздик ба 100 нафар рӯзноманигор Рӯзи матбуоти тоҷик ҷашн гирифта шуд. Дар ошёнаи якуми Кохи матбуот намоиши матбуоти даврӣ доир гардид, ки дар он рӯзномаҳои гуногун ба маърази тамошо гузошта шуданд.
Сипас бо иштироки журналистони расонаҳои дохиливу хориҷӣ ҷамъомад баргузор шуд. Дар ҷамъомад зикр гардид, ки имрӯз матбуоти тоҷик бо арзишҳои маънавии миллиамон — забон, адабиёт, оину фарҳанг дар як сатҳ қарор гирифта, дар рушди ҷомеаи мутамаддини муосир саҳми амиқ мегузорад.
Дар фазои тантанавӣ муовини аввали раиси вилоят Ҷумъабой Сангинов ба як гурӯҳ рӯзноманигорони фаъол сипосномаҳои мақомоти иҷроияи ҳокимияти давлатии вилоятро супорид.
Дар озмуни вилоятӣ, ки бахшида ба Рӯзи матбуоти тоҷик таҳти унвони «Сарқонун — бахтномаи мо» эълон гардида буд, ғолибон муайян ва бо туҳфаҳо сарфароз гардиданд.
Дар ин бора аз хадамоти матбуоти раиси вилоят ба АМИТ «Ховар» иттилоъ доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






