Ақидаи солим аз нигоҳи мазҳаби Имоми Аъзам

Душанбе, 7.03.2014. (АМИТ «Ховар», Зарангези Латиф).- «Ақидаи солим аз нигоҳи мазҳаби Имоми Аъзам»- таҳти чунин унвон рӯзҳои 5-6-уми март дар масҷиди Шайх Маслиҳаддини шаҳри Хуҷанд семинари бозомӯзӣ барои сархатибони масҷидҳои ҷомеи марказии вилояти Суғд баргузор гардид.Ба иттилои мудири шӯъба оид ба корҳои дини мақомоти иҷроияи ҳокимияти давлатии вилоят Абдуҳаким Шарифов дар ин семинар, ки перомуни мавзӯъҳои илми ақида, ҷараёнҳои ихтилофангез дар ҷомеа ва сарчашмаи онҳо, масоили фиқҳӣ ва ихтилофи фатвоҳо, таҳорат ва намоз, бемазҳабӣ ва зарари он мубодилаи афкор сурат гирифт, 18 нафар сархатибони масҷидҳои марказии шаҳру ноҳияҳои вилоят иштирок намуданд.