Аз беэҳтиётии ронанда 4 нафар ба ҳалокат расид

Душанбе, 1.03. 2014. (АМИТ «Ховар», Муқаддас Темурзода). — Тибқи иттиллои маркази матбуоти Вазорати корҳои дохилӣ ронандаи мошини тамғаи «Опел-Вектра», рақами давлатиаш ЕА 82-42 РТ 02, Низомиддин Юсуфов, соли таваллудаш 1987, сокини шаҳри Истаравшан, ҳангоми ҳаракат дар шоҳроҳи мошингарди Истаравшан-Ғончӣ бехатарии ҳаракати роҳро риоя карда натавониста, ба самти муқобили роҳ баромада, ба мошини тамғаи “Опел-Астра”, рақами давлатиаш 68-44 АР 02, таҳти идораи ронанда Илҳом Авезов, соли таваллудаш 1967 бархӯрдааст.Дар натиҷаи ин садамаи нақлиётӣ ронандаи мошини тамғаи “Опел-Вектра” Н. Юсуфов ва мусофирони мшини мазкур Қумрӣ Ғаниева, соли таваллудаш 1954, Омина Саидхоҷаева, соли таваллудаш 2010, сокинони шаҳри Истаравшан ва мусофири мошини тамғаи “Опел-Астра” Алибой Ҳасанов, соли таваллудаш 1965, сокини ноҳияи Ғончӣ ҷароҳатҳои вазнини ҷисмонӣ бардошта, дар беморхона ба ҳалокат расиданд.Ронандаи мошини“Опел-Астра” И. Авезов ва мусофирони мшини мазкур Гулсара Юсуфова, соли таваллудаш 1983, сокини ноҳияи Ғончӣ ва Мадина Азимова, соли таваллудаш 1984, сокини Истаравшан ҷароҳатҳои гуногуни ҷисмонӣ бардошта, дар беморхона бистарӣ шудаанд.