Баланд бардоштани фаъолнокии сиёсӣ ва рушди эҷодкории ҷавонон

Душанбе, 11.03.2014. (АМИТ «Ховар», Зарангези Латиф).- Имрўз дар ноҳияи Рӯдакӣ бо ташаббуси ТҶ «Олами кӯдакон» дар доираи Лоихаи «Баланд бардоштани фаъолнокии сиёсӣ ва рушди эҷодкориҳои ҷавонон», ки аз ҷониби Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар доираи «Барномаи миллии рушди иҷтимоии ҷавонон барои солҳои 2013-2015» дастгирӣ ёфтааст, чорабинӣ доир гардид.Тавре ки аз Кумитаи ҷавонон , варзиш ва сайёҳӣ иттилоъ доданд, чорабинӣ бо иштироки доираи васеи ҷавонони ҷамоати шаҳраку деҳоти ноҳия ва масъулини кумита баргузор гардид. Ёдовар мешавем , ки кумита бо мақсади татбиқи талаботи Қонуни Ҷумҳурии Тоҷикистон “Дар бораи фармоиши иҷтимоии давлатӣ”дар доираи татбиқи «Барномаи миллии рушди иҷтимоии ҷавонон дар Тоҷикистон» иқдому ташаббусҳои ташкилотҳои ҷамъиятиро дар самти татбиқи сиёсати давлатии ҷавонон ва рушди ҷомеаи шаҳрвандӣ пайваста дастгирӣ менамояд. Ҳадафи асосии баргузории чорабинӣ дар фароҳам овардани шароити мусоид барои рушд ва устувории ҳаракатҳои ҷавонон ва иштироки фаъоли онҳо дар ҳаёти сиёсиву фарҳангии кишвар ва рушди эҷодкории онҳо мебошад.