Баланд бардоштани маърифати ҳуқуқии аҳолӣ

Душанбе, 14.03.2014.(АМИТ «Ховар», Зарангези Латиф).-Имрўз дар  мактаби таҳсилоти миёнаи умумии рақами 47-и шаҳри Душанбе вохўрии муовини раиси Кумитаи ҷавонон, варзиш ва сайёҳии назди Ҳукумати Ҷумхурии Тоҷикистон Мавсума Муинова ва масъулини кумита бо хонандагони синфҳои болоӣ, волидайни онҳо, намояндагони занон, ҷавонон, фаъолон, раисони шаҳраку маҳаллаҳо ва ходимони дини ноҳияи Сино баргузор гардид. 
Мақсад аз вохӯрӣ  баланд бардоштани маърифати ҳуқуқиву сиёсии аҳолӣ, алалхусус наврасону ҷавонон, талқини ҳисси худшиносиву худогоҳии миллӣ, ватандўстиву ватанпарастӣ миёни онҳо, даъвати ҷавонон ба сафи Қувваҳои Мусаллаҳи кишвар буд.
Дар охир миёни иштирокдорон мубодилаи афкор ва маҳфили саволу ҷавоб сурат гирифт.
Дар ин бора аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд.