Дар Наврӯз қурби доллар тағйир наёфт

Душанбе, 28.03.2014. (АМИТ «Ховар», Лайло Тоирӣ).- Дар рӯзҳои истироҳат ва таҷлили ҷашни Наврӯз дар нуқтаҳои мубодилаи асъори ҷумҳурӣ қурби доллари ИМА бетағйир боқӣ монда, ба ҳисоби миёна 4,9770-4,9940 сомониро ташкил намуд. Қурбҳои миёнаи амалиёт бо рубли русӣ ва евро каме баланд шуда, ба 0,1383-0,1393 сомонӣ барои як рубли русӣ ва 6,7920-6,8140 сомонӣ барои як евро баробар шуд. Тавре ки аз Бонки миллии Тоҷикистон иттилоъ доданд, 27 март қурби миёнаи доллари ИМА дар нуқтаҳои мубодилаи асъори шаҳрҳои Душанбе 4,9770-4,9950 сомонӣ, Хуҷанд 4,9800-4,9900 сомонӣ ва Қурғонтеппа 4,9800-4,9900 сомониро ташкил намуд.