Дарёфти маводи нашъадор аз мусофири мошин

Душанбе, 20.03.2014. (АМИТ «Ховар», Муқаддас Темурзода).-Зимни гузаронидани чораҳои фаврӣ-ҷустуҷӯӣ дар ҳудуди ноҳияи Истаравшан аз ҷониби кормандони милитсия мошини тамғаи «Musso», таҳти идораи ронанда Қувватов Олимбек Ёрибекович, соли таваллудаш 1986, сокини ноҳияи Мастчоҳи Кӯҳӣ боздошт  шуд. Дар вақти кофтукови мошини мазкур 364,2 грамм маводи нашъадори бангдона дарёфт ва мусодира гардид. Дар натиҷаи санҷиш муайян карда шуд, ки маводи нашъадор ба мусофири мошин Ҳотамов Суҳроб Нарзиевич, соли таваллудаш 1961, сокини ноҳияи Мастчоҳи Кӯҳӣ тааллуқ доштааст. Шаҳрванд Ҳотамов Суҳроб Нарзиевич  ҳамчун гумонбар дар ғайриқонунӣ нигоҳ доштани маводи нашъадор дастгир  шуда, аз рӯи ин ҳодиса парвандаи ҷиноӣ оғоз шуда, тафтиш идома дорад.
Дар ин бора маркази матбуоти ВКД хабар медиҳад.