Даъвати ҷавонон ба хизмати ҳарбӣ

Душанбе, 28.03.2014. (АМИТ «Ховар», Зарангези Латиф).-Қарори навбатии раиси вилояти Суғд Абдураҳмон Қодирӣ «Дар бораи даъвати шаҳрвандони солҳои таваллудашон 1987-1996 ба хизмати ҳарбӣ дар моҳҳои апрел-майи соли 2014» ба тасвиб расид.Мувофиқи қарори мазкур моҳҳои апрел — майи соли 2014 дар ҳудуди вилоят шаҳрвандони ҷинси мард, ки то рўзи даъват ба синни 18-сола мерасанд, инчунин шаҳрвандони синнашон калон, ки ҳуқуқи ба таъхир андохтани муҳлати даъват ё озод будан аз даъват ба хизмати ҳарбиро надоранд, барои хизмат ба сафҳои Қувваҳои Мусаллаҳи Ҷумҳурии Тоҷикистон даъват карда хоҳанд шуд.Дар ин бора аз дафтари матбуоти раиси вилояти Суғд хабар доданд.