Фаъолияти қонунии муҳоҷирони меҳнатӣ дар Адигей
Душанбе, 11.03.2014. (АМИТ «Ховар», Лайло Тоирӣ).- Корманди Намояндагии Вазорати меҳнат, муҳоҷират ва шуғли аҳолии ҶТ дар ФР, ки дар Округи федералии ҷанубӣ сафари хидматӣ дорад, дар Ҷумҳурии Адигей якчанд вохӯриҳо анҷом дод.Дар ҷараёни вохӯрӣ дар шаҳраки Яблоновский бо гурӯҳи муҳоҷирони меҳнатӣ иборат аз 30 нафар маълум шуд, ки ҳамаи онҳо дар ташкилоти сохтмонии Ҷамъияти масъулияташ маҳдуди «Стройкомплекс» кор карда, аз шароити кор, будубош ва музди меҳнат қаноатманд.Корманди намояндагӣ дар ҷараёни вохӯрӣ муҳоҷирони меҳнатиро бо тағйироти қонунгузории муҳоҷиратӣ шинос намуд.Бо гурӯҳи дигари муҳоҷирони меҳнатӣ, ки дар ташкилоти пудратии Ҷамъияти масъулияташ маҳдуди «Адмирал» ба сохтмони биноҳои серошёнаи шахсӣ машғуланд, чунин вохӯрӣ низ сурат гирифт.