«Фуруғи Ориёно”- озмун бахшида ба Рӯзи Модар
Душанбе, 05.03.2014 (АМИТ «Ховар», Фарзонаи Давлат).-“Фуруғи Ориёно”- бо чунин ном бахшида ба Рӯзи модар дар мактабҳои таҳсилоти умумии пойтахт озмун миёни хонандагон ва фаъолдухтарони муассисаҳои таълимӣ ҷараён дорад.
Озмуни мазкур дирӯз дар миёни хонандагони се мактаби миёнаи пойтахт- мактаби таҳсилоти ҳамагонии №60, дастаҳои “Соҳибхирад”-и мактаби №91 ва “Заковатманд”-и мактаби №38-и ноҳияи Сино доир гардид ва дар он дастаи “Соҳибхирад”-и мактаби №91 ғолиб баромад.
Тавре ки дар ин бора аз Кумитаи ҷавонон,варзиш ва сайёҳӣ хабар доданд, озмун аз рӯи 4 шарт доир шуда, саволу ҷавоб доир ба мавзӯъҳои Ватан, Модар, ҳуқуқу озодиҳои зан ва асноди меъёрию ҳуқуқии соҳаи ҷавонон сурат мегирад.
Ғолибони чорабинӣ бо туҳфаву ифтихорномахои кумита қадрдонӣ мегарданд.