Гуфтори Собир Аъзам дар бораи дастовардҳои кишвар

Душанбе, 11.03.2014. (АМИТ «Ховар», Лайло Тоирӣ).- 13 март Раёсати Комиссари олии СММ оид ба умури гурезаҳо бахшида ба сафари ҳамоҳангсози минтақавӣ оид ба Осиёи Марказӣ ба Тоҷикистон Собир Аъзам барои журналистон нишасти матбуотӣ баргузор мегардад. Раёсати зикршудаи СММ перомуни фаъолияташ дар сатҳи ҷаҳонӣ ва маҳаллӣ гузориш медиҳад.Иштирокдорони нишасти матбуотӣ ҳамчунин масоили марбут ба фаъолият ҷиҳати дастгирии гурезаҳо, ашхоси бетабаият ва чорабиниҳо барои рафъи ҳолатҳои фавқулоддаро мавриди муҳокима қарор медиҳанд.Дар нишасти матбуотӣ намояндаи Раёсати Комиссари олии СММ оид ба умури гурезаҳо дар Тоҷикистон Хосе Еуседа, мушовири миллӣ оид ба масъалаҳои ҳуқуқӣ Парвина Мунавварова ва мушовири миллӣ оид ба робита бо ва ҷамъият Жанна Досова иштирок менамоянд.Нишасти матбуотӣ дар бинои Барномаи рушди СММ баргузор мешавад.